Փաշինյանի այցը Մոսկվա կապված չէ ԵՄ-ի հետ. Սիմոնյան
ՀՀ վարչապետ Նիկոլ Փաշինյանը մայիսի 9-ին ներկա կգտնվի Մոսկվայում կայանալիք զորահանդեսին, քանի որ Հայրենական մեծ պատերազմում տարած հաղթանակը նաև հայ ժողովրդի հաղթանակն է: Այս մասին լրագրողների հետ ճեպազրույցում ասել է ԱԺ նախագահ Ալեն Սիմոնյանը։
«Սա նաև մեր հաղթանակն է, 300 հազար հայ զոհվել է հաղթանակի համար, շատ հայեր կռվել են դաշնակիցների բանակներում։ Մայիսի 9-ին Փաշինյանի այցը Մոսկվա կապված չէ ԵՄ-ի կամ այլ հարցերի հետ»,- ասել է նա:
