Մերժված եզակի անձնավորություն է. Սիմոնյանը՝ Սերժ Սարգսյանին
Կարծում եմ՝ մտածել է, որ բավարար չէ իր և Ռոբերտ Քոչարյանի բանավեճը, թե ով է իշխանության բերել ՔՊ-ին, և մինչև հիմա չի հասկացել, որ իշխանության բերում է ժողովուրդը: Այս մասին ասել է ԱԺ նախագահ Ալեն Սիմոնյանն՝ անդրադառնալով նախկին նախագահ Սերժ Սարգսյանի՝ ՀՀԿ նիստում ունեցած ելույթին:
Սիմոնյանի խոսքով՝ Սարգսյանը փորձում է Քոչարյանի հետ բանավեճում միավորներ հավաքել։ Ինչ վերաբերում է ՔՊ հասցեին քննադատություններին, Սիմոնյանն ասել է.
«Երբ նա մեր մասին վատ բան է ասում, մեր վարկանիշը բարձրանում է։ Առաջարկում եմ պարոն Սարգսյանին՝ հաջորդ անգամ իր դեմքով հանդես գալ ընտրություններին»։
Նա նաև նշել է, որ Սարգսյանը «հայ ազգի կողմից մերժված եզակի անձնավորություն է»։ Նա Սարգսյանին կոչ է արել նայել անցած ճանապարհին:
