Դեռահասի դին հրապարակում. Պեսկովը` Չեչնիայի իրադարձությունների մասին
Չեչնիայի հրապարակում դեռահասի դիակի ցուցադրման մասին լուրերը ստացվել են միայն ընդդիմադիր լրատվամիջոցներից, և ՌԴ իշխանությունները դրանցով չեն առաջնորդվում, ասել է ՌԴ նախագահի մամուլի քարտուղար Դմիտրի Պեսկովը։
«Անշուշտ, չենք ցանկանա հիմնվել ընդդիմադիր ալիքների տարածած տեղեկատվության վրա, մենք այդ աղբյուրները վստահելի չենք համարում: Մենք այլ տեղեկություն չունենք»,- ասել է Պեսկովը՝ պատասխանելով լրագրողների հարցերին Չեչնիայում Աչխոյ-Մարտանում ճանապարհային ոստիկանության դիրքի վրա հարձակում գործած դեռահասի դիակի մասին։
Հիշեցնենք` Չեչնիայում ոստիկանների վրա հարձակված 17-ամյա դեռահասի մարմինը ի ցույց են դրել հրապարակում
Էսկերհան Խումաշևն ապրիլի 7-ին դանակով հարձակվել էր ոստիկանների վրա՝ սպանելով նրանցից մեկին, մյուսը վնասվածք է ստացել և պատասխան կրակ բացել, ինչի հետևանքով անչափահասը մահացել է:
