Իրանի քաղաքացիները ՀՀ են ներկրել խոշոր չափի թմրամիջոց
Քաղաքացիներին թմրամիջոցների և հոգեմետ նյութերի վնասակար ազդեցությունից զերծ պահելու, ինչպես նաև դրանց ապօրինի շրջանառության և մաքսանենգության դեպքերը կանխելու ուղղությամբ ՊԵԿ-ը շարունակում է սկզբունքային պայքարը: Այս մասին հայտարարություն է տարածել ՊԵԿ-ը:
«Հայտնաբերվել է Իրանից Հայաստան ներկրված առանձնապես խոշոր չափի` շուրջ 12 կգ քաշով «մեթամֆետամին» տեսակի թմրամիջոց։
Քրեական վարույթի շրջանակում միջնորդություններ են ներկայացվել դատարան Իրանի երկու քաղաքացի կալանավորելու վերաբերյալ, որոնք բավարարվել են»,- նշված է հայտարարության մեջ։
