
Դա մեզ համար կարմիր գիծ է․ Զելենսկի

Ուկրաինայի համար անվտանգության գլխավոր երաշխիքը սեփական բանակն է, ուստի Մոսկվայի պահանջը, մենք չենք կատարի։ Այս մասին ճեպազրույցում հայտարարել է Ուկրաինայի նախագահ Վլադիմիր Զելենսկին, հայտնում է LIGA.net-ը։
«Ուկրաինայի համար անվտանգության գլխավոր երաշխիքը սեփական բանակն է, և մենք երբեք չենք համաձայնի բանակի կրճատմանը, ինչպես Մոսկվան պահանջել է, դա մեզ համար կարմիր գիծ է»,- ասել է Ուկրաինայի նախագահը։
Նրա խոսքով՝ իրենք ամեն ինչ կանեն, որ բանակը կրճատելու Մոսկվայի պահանջը, չկատարվի։
«Եթե անկեղծ լինենք, ամեն ինչ անելու ենք, որ բանակը թողնենք այն վիճակում, ինչ այսօր կա՝ մեծ բանակ, որը երեք անգամ ավելի մեծ է, քան պատերազմի սկզբում էր»,- հավելել է Զելենսկին։