Ռուսաստանը դեմ է նման սցենարին․ Զախարովա
Որոշ եվրոպական երկրները ծրագրում են առաջիկա շաբաթներին ռազմական փորձագետների խումբ ուղարկել Ուկրաինա, նրանց խնդիրն է որոշել ռազմական կոնտինգենտի տեղակայման դիրքերը: Այս մասին հայտարարել է նաև Ուկրաինայի նախագահ Վլադիմիր Զելենսկին, գրում է RG.RU-ն։
«Դա կլինի առաջին խորը հանդիպումը, հանդիպելու ենք նրանց հետ, ովքեր պատրաստ կլինեն զորախումբ տեղակայել»,- նշել է Զելենսկին։
Այս հայտարարությանը ի պատասխան ՌԴ ԱԳՆ պաշտոնական ներկայացուցիչ Մարիա Զախարովան հայտարարել է․
«Ռուսաստանը կտրականապես դեմ է նման սցենարին, որը հղի է Ռուսաստանի և ՆԱՏՕ -ի ուղղակի բախմամբ։ Արևմուտքում քննարկվող «Ցանկացողների կոալիցիայի» ձևավորման գաղափարը, Ուկրաինայում արևմտյան զորակազմեր տեղակայելու փորձերը, այսպես կոչված, խաղաղապահ գործողության համար, անխուսափելիորեն կհանգեցնեն Ռուսաստանի հետ բախման»,- ասել է նա։
Զախարովան հավելել է, որ Ուկրաինան, ըստ էության, կդառնա Արևմուտքի երկրների ռազմական ինտերվենցիան։
«Այս ամենը քողարկվում է որպես խաղաղապահ առաքելություն»,- ավարտելով իր ելույթը ասել է Զախարովան։
