Գերմանիայի նախագահը կոչով դիմել է Հայաստանին և Ադրբեջանին
Գերմանիայի նախագահ Ֆրանկ-Վալտեր Շտայնմայերը շնորհավորել է Ադրբեջանին և Հայաստանին խաղաղության պայմանագրի տեքստի վերաբերյալ համաձայնագրի ավարտի կապակցությամբ։ Այս մասին Շտայնմայերը հայտարարել է Բաքվում՝ Ադրբեջանի նախագահ Իլհամ Ալիևի հետ մամուլի համար հայտարարության ժամանակ։
Նա կոչ է արել Բաքվին և Երևանին բաց չթողնել պահը և որքան հնարավոր է շուտ ստորագրել համաձայնագիրը։
«Շատ մեծ քայլ է արվել, և ես շնորհավորում եմ երկու կողմերին խաղաղության պայմանագրի տեքստի համաձայնեցման համար: Երբ ես այսօր խոսում էի պարոն նախագահի (Իլհամ Ալիև) հետ, ես հույս հայտնեցի, որ մենք շուտով կկարողանանք ականատես լինել խաղաղության պայմանագրի ստորագրմանը»,-ասել է նա։
