Այս պահվածքն ամբողջ աշխարհում սպառնում է ԱՄՆ-ի ազգային շահերին. Պետդեպ

Իրանի պահվածքն ամբողջ աշխարհում սպառնում է ԱՄՆ-ի ազգային շահերին, այդ իսկ պատճառով նախագահ Դոնալդ Թրամփը վերսկսել է առավելագույն ճնշման արշավը՝ վերջ դնելու Իրանի միջուկային սպառնալիքին, սահմանափակելու նրա բալիստիկ հրթիռների ծրագիրը և վերջ դնելու ահաբեկչական խմբավորումներին աջակցելուն: Այս մասին ճեպազրույցում ասել է Պետքարտուղարության խոսնակ Թեմմի Բրյուսը:

«Ինչպես հայտարարել է նախագահը, Իրանը երբեք չի կարող միջուկային զենք ունենալ։ Նա նաև հասկացրել է, որ Միացյալ Նահանգները չի կարող թույլ տալ, որ դա տեղի ունենա: Ինչպես գիտենք, նախագահը պատրաստակամություն է հայտնել բանակցել Իրանի հետ գործարքի շուրջ: Եթե ​​իրանական ռեժիմը գործարք չի ցանկանում, նախագահը հասկացրել է, որ այլ տարբերակներ է փնտրելու, ինչը շատ վատ կլինի Իրանի համար», - ասել է խոսնակը։

Հիշեցնենք, որ այսօր Իրանի ԱԳ նախարար Սեյեդ Աբբաս Արաղչին ասել է, որ Իրանը վերահաստատում է, որ երբեք և ոչ մի դեպքում չի ձգտի, չի արտադրի կամ չի փորձի միջուկային զենք ձեռք բերել. նա այս մասին գրել է X-ում՝ անդրադառնալով Թեհրանի միջուկային ծրագրի վերաբերյալ ԱՄՆ նախագահ Դոնալդ Թրամփի սպառնալիքներին:

ԱՄՆ նախագահը, գուցե, շահագրգռված չէ 2015-ի միջուկային համաձայնագրով, սակայն այդ համաձայնագիրը պարունակում էր Իրանի հիմնական պարտավորությունը, որը դեռ ուժի մեջ է, և նույնիսկ ԱՄՆ-ն, որը համաձայնագրի մաս չէ, դրանից օգուտ քաղեց:

Իրանը վերահաստատում է, որ երբեք և ոչ մի դեպքում չի ձգտի, չի արտադրի կամ չի փորձի միջուկային զենք ձեռք բերել: