Մոսկվային պետք են գործողություններ, այլ ոչ թե խոստումներ․ Լավրով

Նկատելի առաջընթաց կա ռուս-ամերիկյան բանակցություններում, ինչպես երևում է ամերիկացի գործընկերների ցանկությունը՝ վերացնել մեր երկրների դիվանագետների աշխատանքի խոչընդոտները: Այս մասին հայտարարել է Ռուսաստանի ԱԳ նախարար Սերգեյ Լավրովը, գրում է «ՏԱՍՍ»-ը։

«Սևծովյան նախաձեռնության առաջընթացի մասին խոսելը դեռ վաղ է, հիմա ամերիկացիներն ուսումնասիրում են Ռուսաստանի առաջարկները։ Մոսկվային պետք են ոչ թե դատարկ խոստումներ, այլ կոնկրետ գործեր՝ նավահանգիստներ մուտք գործելու, բեռնափոխադրումների նորմալ դրույքաչափերի, ապահովագրության և այլն։

Ամերիկացի գործընկերներն այժմ ուսումնասիրում են մեր այդ առաջարկները, խոստացել են առաջիկայում արձագանքել»,- հավելել է նախարարը։