Պեսկովը՝ Ռուսաստանի և ԱՄՆ-ի հարաբերությունները շտկելու մասին
Կրեմլում արձանագրում են բազմաթիվ փաստեր, որոնք հաստատում են ԱՄՆ-ի և Բրիտանիայի համագործակցությունը՝ փորձելով այս հակամարտությունում պարտության մատնել ՌԴ-ին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է «Ռիա Նովոստի»-ն:
«Եթե հիշում եք մեր բոլոր հայտարարությունները, նախագահ Պուտինի հայտարարությունները՝ սկսած 2014 թվականից, Ուկրաինայում հեղաշրջման կազմակերպման գործում ԱՄՆ-ի և Մեծ Բրիտանիայի դերի մասին, ինչպես նաև Ուկրաինայի ռազմականացման առումով նրանց գործողությունների մասին, այստեղ շատ բան է ի հայտ գալիս, ինչն ապացուցում է այդ գործողությունները, անկասկած», - ասել Է նա։
Լրագրողների այն հարցին, թե ինչ քայլեր են ձեռնարկվում ՌԴ-ի և ԱՄՆ-ի համատեղ նախագծերի հետ կապված, ինչպես նաև հազվագյուտ մետաղների արդյունահանման ուղղությամբ, Պեսկովը պատասխանել է․
«Սա միայն սկզբնական փուլն է, կրկին այն ժամանակաշրջանից հետո, երբ մեր հարաբերություններն իջել են իրենց ամենացածր կետին։ Այդ պատճառով զգալի ջանքեր են սպասվում իրավիճակը շտկելու համար»,- նշել է Դմիտրի Պեսկովը։
