Ռուսաստանի դեմ չէի ցանկանա այդ քայլին գնալ․ Թրամփ
Թրամփը հայտարարել է, որ շատ զայրացած է և խոստացել է երկրորդական մաքսատուրքեր սահմանել Ռուսաստանից արտահանվող նավթի համար: Այս մասին հայտնում է NBC News-ը։
«Եթե մենք Ռուսաստանի հետ չկարողանանք համաձայնագիր կնքել Ուկրաինայում՝ արյունահեղությունը դադարեցնելու հետ կապված, ինչպես նաև սկսենք մտածել, որ այս ամենում կա Ռուսաստանի մեղքը , իսկ դա կարող է այդպես չլինել, եթե Ռուսաստանը անհրաժեշտ քայլեր ձեռնարկի։ Նշեմ նաև այն, որ եթե մենք սկսենք մտածել, որ այս ամենը Ռուսաստանի մեղքով է, ապա երկրորդական մաքսատուրքեր կսահմանենք Ռուսաստանից եկող նավթի համար»,- ասել է Թրամփը։
Հավելենք, որ Ռուսաստանից արտահանվող նավթի համար, մաքսատուրքեր սահմանելու դեպքում, հնարավոր սակագնի չափը կկազմի 25%։
«Ռուսաստանի դեմ չէի ցանկանա այդ քայլին գնալ»,- հայտարարել է ԱՄՆ նախագահը։
