Որ դեպքում Թրամփը կդադարեցնի հութիների վրա հարձակումները
ԱՄՆ նախագահ Դոնալդ Թրամփը երկուշաբթի օրը հայտարարել է, որ Եմենում շիա Անսար Ալլահ (Հութի) շարժման դեմ ԱՄՆ հարձակումները կդադարեցվեն, երբ այն դադարեցնի տարածաշրջանում նավագնացության սպառնալիքը։
Թրամփը մարտի 15-ին հրամայել է ԱՄՆ զինված ուժերին «վճռական և հզոր» գործողություններ ձեռնարկել հութիների դեմ, որոնց նա նախկինում անվանել էր ահաբեկչական կազմակերպություն։ ԱՄՆ կենտրոնական հրամանատարությունը հայտարարել է, որ երկիրը լայնածավալ գործողություն է սկսել Եմենում հութիների դեմ՝ ամերիկյան շահերը պաշտպանելու համար։ ԱՄՆ առաջնորդը նաև կոչ է արել Իրանին դադարեցնել հութիներին աջակցելը և չսպառնալ «ամերիկյան ժողովրդին ու նրա նախագահին»։
«Մենք հարվածում ենք նրանց ամեն օր ու գիշեր, ավելի ու ավելի ուժեղ: Նրանց կարողությունները գնալով քչանում են: Մեր հարձակումները կշարունակվեն այնքան ժամանակ, քանի դեռ դրանք վտանգ չեն ներկայացնում նավարկության ազատության համար: Հութիների ընտրությունը պարզ է»:
