Որ երկրի հետ է պատրաստվում ԱՄՆ–ն պատերազմ սկսել Իրանի դեմ. The Daily Mail

ԱՄՆ նախագահ Դոնալդ Թրամփը Իսրայելի հետ միասին ծրագրում է առաջիկա շաբաթներին պատերազմ սկսել Իրանի դեմ, գրում է The Daily Mail թերթը։ Բրիտանական տաբլոիդի աղբյուրների փոխանցմամբ՝ ամերիկացիներն ու իսրայելցիները ծրագրում են վերացնել իրանական միջուկային ծրագիրը։

«Այս առավոտ աշխարհի ուշադրությունը կենտրոնացած է Դոնալդ Թրամփի՝ գլոբալ առևտրային պատերազմ սկսելու որոշման վրա: Բայց մի քանի շաբաթից այն մարդը, ով անցյալ ամիս խոստացավ «խաղաղություն բերել ուժի միջոցով», ծրագրում է իրական պատերազմ սկսել»,- գրում է բրիտանական թերթը:

Լրագրողի խոսքով՝ մի քանի բարձրաստիճան քաղաքական, ռազմական և դիվանագիտական ​​աղբյուրներ նրան պատմել են ԱՄՆ-ի և Իսրայելի կողմից Իրանի վրա հարձակվելու ծրագրերի մասին՝ վերացնելու միջուկային զենքի ծրագիրը։

Ատոմային էներգիայի միջազգային գործակալության փետրվարի զեկույցում ասվում է, որ Իրանը զգալիորեն մեծացրել է հարստացված ուրանի պաշարները, նշում է Daily Mail-ը: «Իրանը միակ ոչ միջուկային պետությունն է, որը հարստացնում է ուրանը այնքան, որ ինձ լուրջ անհանգստություն է պատճառում», - մարտի 3-ին ասել է ՄԱԳԱՏԷ-ի ղեկավար Ռաֆայել Գրոսսին: ​​

«Իրանի միջուկային ծրագրի առաջընթացի մասին ճշգրիտ տեղեկատվություն ստանալը միշտ էլ դժվար է եղել: Բայց իրականությունն այն է, որ դրանք շատ ավելի մոտ են, քան որևէ մեկը կարող է պատկերացնել»:

Ավելի վաղ գրել էինք, որ նախօրեին Դոնալդ Թրամփը հայտարարել էր, որ եթե Իրանը գործարքի չգնա ԱՄՆ-ի հետ, ապա «կլինեն այնպիսի ռմբակոծություններ, որոնց նման նրանք երբեք չեն տեսել»։