Երկրաշարժ՝ Ինդոնեզիայում
Ինդոնեզիայի ափերի մոտ 5,6 մագնիտուդ ուժգնությամբ երկրաշարժ է գրանցվել, հայտնում է Եվրոպական-միջերկրածովյան սեյսմոլոգիական կենտրոնը (EMSC):
Ստորգետնյա ցնցումները գրանցվել են Ինդոնեզիայի Վայնապու քաղաքից 142 կիլոմետր հարավ-արևմուտք, որն ունի շուրջ 48 հազար բնակչություն: Երկրաշարժի էպիկենտրոնը գտնվել է 28 կիլոմետր խորության վրա։
Հնարավոր զոհերի կամ ավերածությունների մասին տեղեկություններ չեն հաղորդվում։
