Եգիպտոսում խորտակվել է զբոսաշրջային բատիսկաֆ. կան զոհեր
Եգիպտոսի ափերի մոտ Կարմիր ծովում խորտակվել է զբոսաշրջային բատիսկաֆ, որում եղել է 45 ռուս։ Վթարի հետևանքով վեց մարդ է մահացել, որոնց մեջ կան երեխաներ։ Զբոսաշրջիկների մեծ մասին հաջողվել է փրկվել, նրանց վիճակը անհանգստացնող չէ։ Այս մասին հայտնել է Հուրգադայում ՌԴ գլխավոր հյուպատոսությունը, փոխանցում է РИА Новости-ն։
Մի քանի ռուս զբոսաշրջիկների ճակատագիրը անհայտ է: Միջադեպի պատճառները չեն հաղորդվում։
