Այդ ծրագրերը մարդկանց ստրկացնելու մասին են. Փաշինյան

Սոցիալական ծրագիր կոչվածները մարդկանց կոնսերվացնում են աղքատության նիշի մեջ: Այս մասին հայտարարել է ՀՀ վարչապետ Նիկոլ Փաշինյանը:


«Մենք երկու կողմից բերում ու փակում ենք, ասում ենք՝ դե եկեք, աղքատության նիշի մեջ մնացեք։ Ինչի համար ենք անում։ Դա ոչ մի օգուտ չի տալիս։ Ընդ որում, սրա մասին կարևոր է հրապարակային խոսել, որ մտածելակերպի փոփոխություն տեղի ունենա»,- ասել է նա։


Փաշինյանի խոսքով՝ ամեն հարցում կան առանձնահատուկ դեպքեր.


«Բայց մեր սոցիալական ծրագրերը մարդկանց ստրկացնելու մասին են, ազատությունից զրկելու մասին, մարդկանց հնարավորությունից զրկելու մասին, մարդկանց հեռանկարից զրկելու մասին։ Եվ սա սերնդեսերունդ փոխանցվում է։ Մենք «Փարոս»-ից օգտվող սերունդներ ունենք, որ ինքն իրեն վերարտադրում է անընդհատ։ Էն ժամանակ «Փարոս»-ից օգտվել է, հետո հաջորդ սերունդն է «Փարոս»-ից օգտվում, հետո՝ հաջորդ սերունդը։ Կյանքի մասին իրենց պատկերացումը մեր աջակցությամբ ամրագրվում է, որ կյանքը «Փարոս»-ն է»։

Քաղաքականություն