Տեսնում ենք, թե ինչպես են ռուսները սկսել մանիպուլյացիա անել. Զելենսկի

Ուկրաինայի նախագահ Վլադիմիր Զելենսկին Ռուսաստանին մեղադրել է մանիպուլյացիաների համար՝ Սև ծովում հրադադարի համաձայնագրի պայմանները մեկնաբանելիս: Այս մասին գրում է DW-ն։

«Ցավոք սրտի, արդեն հիմա՝ հենց բանակցությունների օրը, տեսնում ենք, թե ինչպես են ռուսները սկսել մանիպուլյացիա անել։ Կրեմլը կրկին ստում է՝ հայտարարելով, որ Սև ծովում հրադադարի ռեժիմը կախված է պատժամիջոցների վերացման հարցից»,- ասել է նա:

Նա սուտ է անվանել Կրեմլի այն պնդումը, թե էներգետիկ ենթակառուցվածքների գնդակոծման արգելքը ուժի մեջ է մտել մարտի 18-ին, և զգուշացրել է, որ եթե ռուսական զորքերը շարունակեն հարձակվել Ուկրաինայի վրա, ուկրաինական զինուժը կպատասխանի հարվածներով։

ԱՄՆ-ն, Ուկրաինան և Ռուսաստանը հայտարարություններ են տարածել Էր Ռիադում բանակցությունների արդյունքների վերաբերյալ։ Երեք տեքստերը ընդհանուր առմամբ նման են, բայց տարբերվում են մանրամասներով։ Երեք երկրներն էլ գրել են Սև ծովում ռուս-ուկրաինական զինադադարի, Մոսկվայի և Կիևի կողմից էներգետիկ օբյեկտների վրա հարձակումների արգելքի ու հետագա բանակցությունների պատրաստակամության մասին։