Երկու ռազմական ինքնաթիռներ բախվել են իրար. Ֆրանսիա
Ֆրանսիայի արևելքում բախվել են երկու ռազմական պարեկային Alpha Jet ինքնաթիռ, հայտնել է երկրի պաշտպանության նախարար Սեբաստյան Լեկորնուն։
«Արևելյան Ֆրանսիայում քիչ առաջ դժբախտ պատահար է տեղի ունեցել, որում ներգրավվել են երկու պարեկային Alpha Jet ինքնաթիռներ»,- գրել է նա սոցցանցերում:
Ֆրանսիական ռազմաօդային ուժերի աղբյուրը Agence France-Presse-ին հայտնել է, որ երկու ինքնաթիռները բախվել են Սեն Դիզյեի 113 ավիաբազայի մոտ (Վեր Մարն դեպարտամենտ): Երկու օդաչուները և մեկ ուղևոր կարողացել են ցած նետվել և նրանց գտել են գիտակից վիճակում հայտնում է աղբյուրը։
