Ստամբուլում մուտքի և ելքի սահմանափակում կլինի

Ստամբուլ նահանգի ղեկավարությունը հայտնել Է  նահանգում շարունակվող բողոքի ցույցերի ֆոնին մուտքի և ելքի սահմանափակման մասին: Այս մասին գրել է «Ռիա Նովոստի»-ն։

«Կարգելվի Ստամբուլ նահանգի մուտքն ու ելքը  այն անհատների, խմբերի կամ մեքենաների համար, որոնք կարող են մասնակցել անօրինական ակցիաներին միայնակ կամ միասին», - հայտարարել Է նահանգի ղեկավարությունը:

Հավելենք, որ մարտի 20-ից Ստամբուլում և Թուրքիայի այլ քաղաքներում շարունակվում են բողոքի ակցիաները՝ ի պաշտպանություն ձերբակալված Ստամբուլի քաղաքապետ, ընդդիմադիր Ժողովրդահանրապետական կուսակցության  անդամ Էքրեմ Իմամօղլուի։ Իմամօղլուին ձերբակալել են կոռուպցիայի մեղադրանքով։