Իրանը սպառնալիքիների ներքո բանակցություններ չի վարի ԱՄՆ-ի հետ. Արաղչի
Իրանը ուղղակի բանակցություններ չի վարի ԱՄՆ-ի հետ, ինչ-որ ճնշումների ներքո, այս մասին հայտարարել է Իրանի արտաքին գործերի նախարար Սեյյեդ Աբբաս Արաղչին, փոխանցել է Tasnim գործակալությունը։
«Առավելագույն ճնշման ու սպառնալիքների ներքո Իրանը հաստատ ուղղակի բանակցությունների չի գնա Ամերիկայի հետ։ Սա մեր հստակ քաղաքականությունն է, և այն կշարունակվի այնքան ժամանակ, քանի դեռ չի փոխվել մյուս կողմի վերաբերմունքն Իրանի ժողովրդի նկատմամբ։ Իհարկե, անուղղակի բանակցությունների ճանապարհը բաց է, և մենք դա կարող ենք անել տարբեր խողովակներով։ Մեր նպատակն ու առաքելությունը երկրի ու ժողովրդի ազգային շահերի և ազգային անվտանգության գիտակցումն է, և այս առումով մենք բաց չենք թողնի ոչ մի հնարավորություն», - ասել է նա։
Հավելենք, որ ԱՄՆ նախագահ Դոնալդ Թրամփն Իրանի գերագույն առաջնորդ այաթոլլահ Ալի Խամենեիին ուղղված նամակում 2 ամիս ժամանակ էր տվել՝ Թեհրանի միջուկային ծրագրի շուրջ բանակցությունները սկսելու համար:
