Պուտինը չի փոխել հրամանը․ Պեսկով

Վլադիմիր Պուտինը չի փոխել էներգահամակարգին չխփելու հրամանը՝ ի հեճուկս Ուկրաինայի զինված ուժերի խախտումների։ Այս մասին հայտարարել է ՌԴ մամուլի քարտուղար Դմիտրի Պեսկովը , գրել է «Ռիա Նովոստի»-ն։

«ԱՄՆ-ն հնարավորություն ունի հետևելու ստեղծված իրավիճակին, որի պատճառը եղավ այն, որ Ուկրաինայի կողմից բազմաթիվ պայմանավորվածություններ խախտվեցին։ Ուկրաինայի զինված ուժերի խախտումներից հետո  ՌԴ նախագահը նշել է, որ չի փոխի էներգահամակարգին չխփելու հրամանը»-, ասել է Պեսկովը։

Պեսկովն հավելեց նաև, որ Կուբանում էներգաօբյեկտների վրա ուկրաինացի զինվորականների հարձակումները Կրեմլը դիտարկում է որպես պայմանավորվածությունների սաբոտաժ:

«Էներգետիկայի օբյեկտներին հարվածները չեղարկելու մասին տեղեկությունն արդեն լայնորեն հայտնի էր, և ուկրաինական իշխանությունները ոչինչ չեն արել ռուսական տարածքների վրա հարձակումը չեղարկելու համար։ Նման պահվածքը հակասում է ուկրաինական հակամարտության խաղաղ ավարտին ուղղված ջանքերին»,- հավելեց ՌԴ մամուլի քարտուղարը։