Առաջարկն արել է Թրամփը, որին Պուտինը համաձայնել է․ Պեսկով

Ռուսաստանն ու ԱՄՆ–ն ուկրաինական կարգավորման հետ կապված դեռ բազմաթիվ ասպեկտներ պետք է մշակեն: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրել է «Ռիա Նովոստի»-ն։

«Ըստ էության՝ խաղաղ կարգավորման ճանապարհով շարժվելու` երկրների ցանկության և պատրաստակամության մասին, իսկապես ընդհանուր ըմբռնում կա: Ինչ վերաբերում է տեխնիկական հարցերին, ապա նշեմ, որ թեմաներից մեկի շուրջ այսօր Էր-Ռիադում բանակցություններ են ընթանում մեր և ամերիկյան պատվիրակությունների միջև», – ասել է Պեսկովը։

Պեսկովն հավելել է նաև, որ Սև ծովում նավարկության անվտանգության վերաբերյալ սևծովյան նախաձեռնությունը քննարկելու առաջարկն արել է ԱՄՆ նախագահ Դոնալդ Թրամփը, որին տվել է իր համաձայնությունը ՌԴ նախագահ Վլադիմիր Պուտինը։

«Հենց այս մանդատով է մեր պատվիրակությունը մեկնել Էր Ռիադ»,- նշել է նա։