Եթե սահմանին խաղաղություն լինի, ԵՄ դիտորդներին կարող ենք նեղություն չտալ

ԵՄ դիտորդներին հրավիրել ենք հայ-ադրբեջանական սահման որպես կայունության և խաղաղության գործոն, և եթե խաղաղության համաձայնագիրը ստորագրվի, ԵՄ դիտորդներին նեղություն կարելի է չտալ կամ պակաս նեղություն տալ։ Այս մասին ասել է ՀՀ վարչապետ Նիկոլ Փաշինյանը՝ անդրադառնալով ԵՄ դիտորդների վերաբերյալ հարցին։

«ԵՄ դիտորդական առաքելությանը հրավիրել եմ ես և ես շնորհակալ եմ իմ հրավերին արձագանքելու համար: Մենք նրանց հրավիրել ենք, որպես կայունության և խաղաղության գործոն: Եթե ստորագրվի խաղաղության համաձայնագիրը, կունենանք ինստիտուցիոնալ խաղաղություն և կայունություն։ Եվ այդ պայմաններում խաղաղության համաձայնագրի ստորագրումից հետո ԵՄ դիտորդներին նեղություն կարելի է չտալ կամ պակաս նեղություն տալ» ,- ասել է վարչապետը` նշելով, որ ԵՄ դիտորդների մասով դեռ որոշում չկա: