Նեթանյահուն առաջարկում է պաշտոնանկ անել Իսրայելի անվտանգության ծառայության ղեկավարին

Իսրայելի վարչապետ Բենիամին Նեթանյահուն կիրակի հայտարարել է, որ հաջորդ շաբաթ կառավարություն կներկայացնի Ընդհանուր անվտանգության ծառայության ղեկավար Ռոնեն Բարին վստահության կորստի պատճառով աշխատանքից ազատելու առաջարկը։

 «Իսրայելի քաղաքացիներ, մենք պատերազմի մեջ ենք մեր գոյության համար՝ պատերազմ յոթ ճակատով: Ցանկացած պահի և հատկապես նման էքզիստենցիալ պատերազմի ժամանակ վարչապետը պետք է լիակատար վստահություն ունենա Ընդհանուր անվտանգության ծառայության ղեկավարի նկատմամբ», - ասել է վարչապետը տեսաուղերձում։

 Նեթանյահուն ասել է, որ ժամանակի ընթացքում «ուժեղ անվստահություն» է զարգացել Ռոնեն Բարի նկատմամբ։