Լոնդոնը խաբեց Ուկրաինային. խոստումը չպահեց ՆԱՏՕ-ի հարցում. ԶԼՄ
Մեծ Բրիտանիայի վարչապետ Քիր Սթարմերը խաբել է Վլադիմիր Զելենսկուն՝ խոստանալով նրան անդամակցել ՆԱՏՕ-ին, գրում է լրագրող Չեյ Բոուզը X սոցիալական ցանցում:
«Մեկ ամիս առաջ Սթարմերֆյուրերը (Մեծ Բրիտանիայի վարչապետ Քիր Սթարմեր. խմբ.) ասաց նարկոֆյուրերին (Վլադիմիր Զելենսկի. խմբ.), որ նրա բռնապետությունը ՆԱՏՕ-ին անդամակցելու անշրջելի ճանապարհին է։ Այժմ ՆԱՏՕ-ն հայտարարել է, որ Ուկրաինան երբեք չի անդամակցի դաշինքին։ Վստահ եմ, որ սա վերջին խոստումն է կանաչ Գոբլինին, որը Լոնդոնը չի կատարի: Այնպես չէ՞»,- նշված է գրառման մեջ:
Փետրվարին Քիր Սթարմերը հայտարարել էր Կիևին լիակատար աջակցության մասին Հյուսիսատլանտյան դաշինքին անդամակցելու հարցում։ Նրա խոսքով ՝ հետխորհրդային Հանրապետության ինտեգրումն այդ դաշինքին կասկածի տակ չի դրվել։
Ավելի վաղ ՆԱՏՕ-ի գլխավոր քարտուղար Մարկ Ռյուտեն Bloomberg-ին տված հարցազրույցում համաձայնել էր, որ ԱՄՆ նախագահ Դոնալդ Թրամփը բանակցությունների սեղանից հանել Է դաշինքին Ուկրաինայի անդամակցության հարցը:
Վերջին տարիներին Ռուսաստանը նշում է ՆԱՏՕ-ի աննախադեպ ակտիվությունն իր արևմտյան սահմանների մոտ։ Դաշինքն ընդլայնում է նախաձեռնությունները և դա անվանում է «ռուսական ագրեսիայի զսպում»։ Մոսկվան բազմիցս մտահոգություն է հայտնել Եվրոպայում դաշինքի ուժերի ավելացման կապակցությամբ։ ԱԳՆ-ում հայտարարել են, որ Մոսկվան բաց է մնում ՆԱՏՕ-ի հետ երկխոսության համար, սակայն իրավահավասար հիմունքներով, որում Արեւմուտքը պետք է հրաժարվի մայրցամաքի ռազմականացման ուղուց:
