Խաղաղության այդ համաձայնագիրը պետք է ստորագրվի հիմա. Ուոլց
Հարավային Կովկասում հակամարտությունը պետք է ավարտվի, X սոցցանցում գրել է ԱՄՆ նախագահ Դոնալդ Թրամփի խորհրդական Մայք Ուոլցը:
Նա նշել է, որ այս շաբաթ տարածաշրջանում իրավիճակը քննարկել է Ադրբեջանի նախագահի խորհրդական Հիքմեթ Հաջիևի հետ:
«Մենք ուրախ ենք, որ Ադրբեջանը և Հայաստանը մեծ քայլ են կատարել առաջ և համաձայնության են եկել խաղաղության պայմանագրի շուրջ։ Ես ասացի նրան, որ մենք պետք է ավարտենք խաղաղության այս համաձայնագրի ստորագրումը հիմա, ազատ արձակենք բանտարկյալներին և միասին աշխատենք տարածաշրջանն ավելի ապահով և բարգավաճ դարձնելու համար։ Ամերիկայի ոսկե դարը խաղաղություն և բարգավաճում կբերի աշխարհին, և մենք չենք դադարի աշխատել, քանի դեռ դա իրականություն չի դարձել»,- գրել է նա:
