Ինչ են քննարկել Էրդողանն ու Թրամփը
Թուրքիայի նախագահ Ռեջեփ Թայիփ Էրդողանը կիրակի հեռախոսազրույց է ունեցել իր ամերիկացի գործընկեր Դոնալդ Թրամփի հետ, որի ընթացքում քննարկվել է, մասնավորապես, ուկրաինական հակամարտությունը, գրում է Daily Sabah թերթը։
«Էրդողանն ասել է, որ աջակցում է Թրամփի քայլերին՝ ուղղված Ռուսաստանի և Ուկրաինայի միջև հակամարտությունը դադարեցնելուն»,- նշում է թերթը։
Բացի այդ, ԱՄՆ նախագահի հետ զրույցի ընթացքում Թուրքիայի ղեկավարը հույս է հայտնել, որ Թրամփի օրոք երկու երկրների հարաբերությունները կկառուցվեն «անկեղծ մոտեցմամբ՝ կենտրոնացած լուծումների հասնելու վրա»։
Daily Sabah-ի փոխանցմամբ՝ Թուրքիայի նախագահը կոչ է արել Թրամփին չեղարկել Թուրքիայի պաշտպանական հատվածի դեմ պատժամիջոցները եւ «ավարտել Անկարայի՝ ամերիկյան F-16 կործանիչների ձեռքբերման գործընթացը»։
Միաժամանակ, ըստ թուրքական կողմի, Էրդողանն ու Թրամփը քննարկել են ահաբեկչության դեմ պայքարը։
