Ադրբեջանը բողոք է ուղարկել Եվրախորհրդարան. մանրամասներ

Ադրբեջանի Միլի մեջլիսի միջազգային հարաբերությունների և միջխորհրդարանական հարաբերությունների հանձնաժողովը բողոքի նամակ է հղել Եվրախորհրդարան՝ կապված 2025թ. մարտի 13-ին Եվրախորհրդարանի ընդունած բանաձևի հետ: Այս մասին հայտնել է ադրբեջանական APA լրատվամիջոցը։

«Վճռական բողոք ենք հայտնում 2025թ. մարտի 13-ին Եվրախորհրդարանի ընդունած «Հայ պատանդների ապօրինի կալանավորումը և, այսպես կոչված, դատական ​​գործընթացները» անհիմն, կողմնակալ և կանխակալ բանաձևի դեմ»,- մասնավորապես ասված է Ադրբեջանի խորհրդարանի նամակում։

Հիշեցնենք, որ Եվրախորհրդարանը մարտի 13-ին ընդունել է բանաձև՝ Բաքվից հայ բանտարկյալներին անհապաղ ազատ արձակելու պահանջով։