Փաստաթղթավորված ձևով, հակամարտությունը մոտեցել է ավարտին. Միրզոյան
Հայաստանի և Ադրբեջանի միջև խաղաղության հաստատման համաձայնագրի կնքումից հետո կարող ենք համարել, որ ինստիտուցիոնալ առումով, փաստաթղթավորված ձևով, հակամարտությունը մոտեցել է ավարտին: Այս մասին խոսել է ՀՀ ԱԳ նախարար Արարատ Միրզոյանը
«Մենք կարող ենք ասել, որ ԵԱՀԿ ՄԽ-ի անհրաժեշտությունն այլևս չկա»,- հայտնել է նա:
Ըստ նրա՝ մինչ այս պահը Ադրբեջանի կողմից հանդիպում են որոշակի հռետորաբանության և ապակառուցողականության տարրեր, ինչը մտահոգիչ է:
«Այն պահին, երբ կունենանք խաղաղության ստորագրված համաձայնագիր, մենք ևս կունենանք մեր վերապահումները ԵԱՀԿ ՄԽ-ի հետագա գործունեության հետ կապված»,- ասել է Միրզոյանը:
Վերջինիս խոսքով՝ համաձայնագրում նախատեսված որևէ դրույթ կարող է կյանքի կոչվել այն ստորագրելուց, վավերացնելուց և ուժի մեջ մտնելուց հետո:
