Մենք Կաթողիկոսին ռևանշիստ չենք համարում. Միրզոյան

Ընդդիմությունը ընդիմանում է ու շարունակելու է ընդիմանալ Ադրբեջանի բոլոր պահանջները կատարելու ձեր մարմաջին: Այս մասին դիմելով ԱԳ նախարար Արարատ Միրզոյանին, ասել է «Հայաստան» խմբակցության պատգամավոր Քրիստինե Վարդանյանը:

«Հայաստանում դուք բերե՞լ եք այդ եվրոպական դիտորդներին։ Բնականաբար դեմ ենք, որ Ադրբեջանը, եթե ասում է, որ իրենց պիտի սահմանից հանեք, դուք առանց դա քննարկելու անգամ հանում եք:

Ես ուզում եմ հասկանալ, Ձեր համար, Ադրբեջանի համար խաղաղության օրակարգի դեմ գործողություն է օրինակ, Ամենայն հայոց կաթողիկոսի ուղերձի այն հատվածը, որտեղ ասում է, որ արցախցիները իրավունք ունեն վերադառնալ իրենց հայրենիք։

Ձեր համար ամենայն հայոց կաթողիկոսը ռեվանշի՞ստ է, պայքարելո՞ւ եք իր դեմ: Այդ ո՞ր հայտարարություններն են, որոնք խաղաղության օրակարգի դեմ են ու դրանց դեմ պիտի պայքարեք»,- հարցրել է ընդդիմադիր պատգամավորը:

Ի պատասխան Արարատ Միրզոյանը արձագանքեց.

«Ես ճիշտն ասած այդքան լսեցի, մի հատ հարց լսեցի, արդյո՞ք մենք կաթոլիկոսին ռեվաշինստ ենք համարում: Ձեր հարցի պատասխանն է՝ ոչ»: