Դա է Հայաստանի գոյության միակ ձևը. Միրզոյան

Խաղաղությունը Հայաստանի համար գոյության միակ ձևն է: Այս մասին ԱԺ-ում  հայտարարել է ՀՀ արտաքին գործերի նախարար Արարատ Միրզոյանը։

«Ադրբեջանի հետ խաղաղությունը ու հարաբերությունների կարգավորումը բխում է Հայաստանի շահերից»,- ասել է նա:

Միրզոյանը նշել է, որ կան հարցեր, որոնք դեռ կարգավորված չեն, Ադրբեջանն այլ կերպ է նայում, Հայաստանն՝ այլ կերպ։

«Կան պահանջներ, որոնք ունեն իրենք, որը մենք չենք կիսում, կան ակնկալիքներ, որ մենք ունենք ու իրենք չեն կիսում, կան հարցեր, որ, գուցե, մինչև վերջ էլ կարգավորված չմնան, օրինակ՝ անհետ կորածների ճակատագրերի պարզաբանում և այլն։ Թնջուկն ու բարդությունների խումբը մեծ է, խաղաղությունը հեշտ գործընթաց չէ»,-հավելեց նա:

ԱԳ նախարարն ասել է, որ խաղաղության հաստատմամբ Հայաստանը դուրս է գալու մեծ ու խորը ճահճից, որից դուրս չգալու պարագայում ընկղմվելու ենք ու թաղվենք։