Զելենսկին կոչով դիմել է ԱՄՆ-ին
Ուկրաինայի նախագահ Վոլոդեմիր Զելենսկին անդրադարձել է Ուկրաինայում հրադադարի վերաբերյալ ԱՄՆ-ի առաջարկների շուրջ քննարկումներին՝ մեղադրելով Ռուսաստանին պատերազմի երկարաձգման ձգտման մեջ։ Նա կոչ է արել ԱՄՆ-ին՝ «ստիպել» Մոսկվային դադարեցնել պատերազմը։
Զելենսկին հատկապես ընդգծել է, որ «արդեն ավելի քան մեկ օր աշխարհը դեռևս չի լսել Ռուսաստանի կողմից իմաստալից արձագանք ներկայացված առաջարկներին»։
«Սա ևս մեկ անգամ ցույց է տալիս, որ Ռուսաստանը ցանկանում է որքան հնարավոր է երկարաձգել պատերազմը և հետաձգել խաղաղությունը։ Հուսով ենք, որ ԱՄՆ-ի ճնշումը բավարար կլինի Ռուսաստանին ստիպելու համար դադարեցնել պատերազմը», – ասել է նա։
