Պեսկովը խոսել է՝ եվրոպական հետախուզության ձեռքն ընկած, ռուսական փաստաթղթերի մասին
Ռուսաստանն աշխատում է ուկրաինական հակամարտության խաղաղ կարգավորման լավ մտածված տարբերակների վրա, ամերիկյան Washington Post թերթին ասել է նախագահի մամուլի քարտուղար Դմիտրի Պեսկովը։
Այսպես է Պեսկովը մեկնաբանել եվրոպական հետախուզության ձեռքին հայտնված փաստաթուղթը, որը, ինչպես պնդում են, կազմվել է Կրեմլի համար անանուն մոսկովյան վերլուծական կենտրոնի կողմից՝ իբր կապված ԱԱԾ-ի հետ։
Թերթը, վկայակոչելով փաստաթուղթը, պնդում է, որ Ռուսաստանը ցանկանում է թուլացնել ԱՄՆ-ի դիրքերը Ուկրաինայի հարցով բանակցություններում՝ սրելով ԱՄՆ-ի հարաբերությունները այլ երկրների հետ։ Հրատարակությունը Մոսկվային է վերագրում ուկրաինական ճգնաժամը 2026 թվականից ոչ շուտ լուծելու մտադրությունը։
Ռուսաստանի նախագահի մամուլի քարտուղարն ասել է, որ Կրեմլը «տեղյակ չի եղել նման առաջարկությունների մասին» և դրանք անվանել է «չափազանց հակասական»։
«Մենք աշխատում ենք ավելի մտածված տարբերակներով»,- Պեսկովի խոսքերն է մեջբերում թերթը։
Անցած երեքշաբթի Սաուդյան Արաբիայում տեղի ունեցավ Ուկրաինայի և ԱՄՆ-ի պատվիրակությունների հանդիպումը։ Զելենսկու գրասենյակը բանակցություններից հետո հրապարակել է համատեղ հայտարարություն, որում նշվում է, որ Կիևը պատրաստ է ընդունել Վաշինգտոնի առաջարկը 30-օրյա հրադադարի մասին, որը կարող է երկարաձգվել կողմերի համաձայնությամբ։ Փաստաթղթում ասվում է նաև, որ Սպիտակ տունն անմիջապես վերացնում է հետախուզական տվյալների փոխանակման դադարը և վերսկսում է Ուկրաինային ռազմական մատակարարումները։
Պեսկովն իր հերթին նշել է, որ Մոսկվան չի ցանկանում իրենից առաջ ընկնել առաջարկվող զինադադարի հարցում։ Կրեմլի խոսնակը հավելել է, որ Ռուսաստանն ու ԱՄՆ-ն առաջիկա օրերին ծրագրել են շփումներ, որոնց ընթացքում Մոսկվան ակնկալում է ստանալ ամբողջական տեղեկատվություն Ջիդայում կայացած հանդիպման մասին, որը խախտել է պայմանավորվածությունը։
