ԱՄՆ-ն կարող է անել բաներ, որոնք վատ կլինեն ՌԴ-ի համար․ Թրամփ
ԱՄՆ նախագահ Դոնալդ Թրամփն ասել է, որ կարող է ֆինանսապես թիրախավորել Ռուսաստանը: Այս մասին գրել է The Guardian-ը։
Նրա խոսքով՝ նա կանի այդ բանը եթե վերջինը չհամաձայնի Ուկրաինայի հետ պատերազմում 30-օրյա հրադադարին:
«Եթե Պուտինը հրաժարվի, կարծում եմ՝ կարող ենք կոշտ քայլերի հույս ունենալ։ Ես մանրամասները դեռ չգիտեմ, բայց մենք խոսում ենք պատժամիջոցների և Ուկրաինայի հզորացման մասին»,- այս մաին օրեր առաջ ասել էր Զելենսկին։
Ավելի ուշ Սպիտակ տունը հայտարարել է, որ Թրամփի՝ Մերձավոր Արևելքի հարցերով բանագնաց Սթիվ Ուիթքոֆն այս շաբաթվա վերջին կլինի Մոսկվայում:
Թրամփը ուղղակիորեն չի խոստացել պատժամիջոցներ կիրառել Ռուսաստանի դեմ, եթե Պուտինը չստորագրի համաձայնագիրը: Նա ասել է, որ կարող է ֆինանսապես անել այնպիսի բաներ, որոնք շատ վատ կլինեն Ռուսաստանի համար:
«Ես չեմ ուզում դա անել, քանի որ ուզում եմ խաղաղության հասնել»,- եզրափակել է Թրամփը:
