Ուկրաինայի համար երաշխիքներ՝ 30 երկրների կողմի՞ց. Մակրոն

Ֆրանսիայի նախագահ Էմանուել Մակրոնը երեքշաբթի Փարիզում հավաքված շուրջ 30 երկրների գլխավոր շտաբների պետերին կոչ է արել սկսել Ուկրաինայի համար «անվտանգության հուսալի երաշխիքներ» սահմանող պլանի մշակումը։ Այս մասին գրում է Интерфакс–ը:

«Հաշվի առնելով խաղաղության բանակցությունների արագացումը», նախագահը պարզաբանել է, որ «այսօր մենք պետք է հայեցակարգից անցնենք պլանի՝ անվտանգության վստահելի երաշխիքներ սահմանելու համար, որպեսզի Ուկրաինայում հնարավոր դառնա կայուն և ամուր խաղաղությունը», - նշվում է հանդիպումից հետո Ելիսեյան պալատի հրապարակած կոմյունիկեում, որը մեջբերել են ֆրանսիական լրատվամիջոցները։

Հաղորդվում է նաև, որ հանդիպման մասնակիցները համաձայնել են, որ անվտանգության երաշխիքները «չպետք է տարանջատվեն ՆԱՏՕ-ից և նրա հնարավորություններից»։

Ռազմական առաջնորդների միջազգային հանդիպումը, որոնք «պատրաստ են երաշխավորել ապագա խաղաղությունն Ուկրաինայում», տեղի է ունեցել Մակրոնի նախաձեռնությամբ: