Քրեական հետապնդում՝ Հովիկ Աղազարյանի և Տարոն Մարգարյանի նկատմամբ
Հայաստանի գլխավոր դատախազ Աննա Վարդապետյանը միջնորդություններ է ներկայացրել Ազգային ժողով «Պատիվ ունեմ» խմբակցության պատգամավոր Տարոն Մարգարյանի և անկախ պատգամավոր Հովիկ Աղազարյանի նկատմամբ քրեական հետապնդում հարուցելուն համաձայնություն տալու հարցով։ Այս մասին տեղեկանում ենք ԱԺ կայքից:
Հովիկ Աղազարյանի միջնորդության հիմքում ներկայացվել է Հակակոռուպցիոն կոմիտեում քննվող մանր եղջերավոր անասուններ արտահանելու համար կաշառք վերցնելու գործով։
Տարոն Մարգարյանին անձեռնմխելիությունից զրկելու միջնորդությունը ներկայացվել է 2020 թվականին հարուցված գործով։
Միջնորդություն ներկայացնելու հետ կապված դատախազությունից պարզաբանումներ չեն տվել:
