Պարզ բանակցություններ չեն սպասվում. ԱՄՆ ղեկավարություն

ԱՄՆ ղեկավարությունում հույս չունեն, որ Ուկրաինայում կարգավորման շուրջ հեշտ բանակցություններ կլինեն, սակայն հույս ունեն 30-օրյա հրադադարի մասին Մոսկվայի համաձայնությանը: Այս մասին լրագրողների հետ զրույցում ասել է ԱՄՆ պետքարտուղար Մարկո Ռուբիոն: Հեռարձակումն իրականացրել է Fox Newsox-ը։

«Մենք ունենք Ուկրաինա, որը պատրաստ է նստել բանակցությունների սեղանի շուրջ, հիմա մեզ անհրաժեշտ է, որ նույնը անի Ռուսաստանը: Այստեղ ոչ ոք չի ձևացնում, թե այդ բանակցությունները կլինեն պարզ, արագ կամ տարրական: Բայց մենք գոնե այս կետին ենք հասել»,- ասել է նա:

Լրագրողի այն հարցին, թե ինչ կանի ԱՄՆ-ն, եթե Ռուսաստանը հրաժարվի համաձայնել հրադադարին, Պետդեպարտամենտի ղեկավարը պատասխանել է, որ Վաշինգտոնը նախ պետք է գնահատի ներկա իրավիճակը։