Ինչ կլինի Ուկրաինայում հրադադարից հետո
Երբ Ուկրաինայում հաստատվի զինադադար, կհաջորդի լիակատար զինադադար, հակամարտությունը կավարտվի և չի վերսկսվի։ Այս մասին այսօր Սպիտակ տանը կայացած մամուլի ասուլիսի ժամանակ հայտարարել է ԱՄՆ նախագահ Դոնալդ Թրամփը։
Նա նշել է, որ ակնկալում է, որ ուկրաինական հակամարտությունը կլուծվի հրադադարի հաստատումից հետո։
Թրամփն ասել է, որ բոլորն աշխատում են դրան հասնելու համար: Նրա կարծիքով՝ դրան հասնելու հնարավորություն կա, եթե Ռուսաստանը համաձայնի 30-օրյա հրադադարի։
Ամերիկացի առաջնորդը նաև հավելել է, որ Ուկրաինայի հարցով շփումների ժամանակ քննարկվում է նաեւ տարածքային հարցը, այլ ոչ թե պարզապես զինադադար։
Միաժամանակ Թրամփը Ռուսաստանին խոստացել է հետևանքներ, եթե վերջինս հրաժարվի հրադադարի հասնել Ուկրաինայի հետ։ Նրա խոսքով՝ ԱՄՆ-ն կարող է ճնշում գործադրել Ռուսաստանի վրա, սակայն հույս ունի, որ ստիպված չի լինի դա անել։
