Ուկրաինան և ԱՄՆ–ն համաձայնության են եկել
ԱՄՆ-ի և Ուկրաինայի ներկայացուցիչները Սաուդյան Արաբիայում կայացած բանակցություններում համաձայնել են շուտով համաձայնագիր ստորագրել ուկրաինական հազվագյուտ հողային մետաղների արդյունահանման վերաբերյալ, երեքշաբթի հաղորդել է Bloomberg-ը:
«ԱՄՆ-ն և Ուկրաինան պայմանավորվել են շուտով հասնել բնական ռեսուրսների վերաբերյալ համաձայնագրի ստորագրմանը»,- նշում է գործակալությունը։
Վաշինգտոնի և Կիևի պատվիրակությունները երեքշաբթի ժամեր տեւած բանակցություններ են վարել Ջիդդայում:
Հաղորդվում է, որ Ուկրաինան ընդունել է ԱՄՆ-ի առաջարկը անհապաղ 30-օրյա հրադադարի մասին և սկսել է բանակցային թիմ պատրաստել: ԱՄՆ-ի և Ուկրաինայի պատվիրակությունները պայմանավորվել են որոշել իրենց բանակցող թիմերի կազմը և անհապաղ սկսել բանակցությունները կայուն խաղաղության հասնելու համար։ Միացյալ Նահանգները պարտավորվել է քննարկել այս կոնկրետ առաջարկները Ռուսաստանի ներկայացուցիչների հետ:
Ուկրաինայի նախագահի գրասենյակի ղեկավար Անդրեյ Երմակի խոսքով՝ ԱՄՆ–ն վերսկսում է հետախուզական տվյալների և ռազմական օգնության տրամադրումն Ուկրաինային:
