Ռուսաստանը խաղաղ կարգավորման հիմքեր չի տեսնում. Պեսկով

Ռուսաստանի իշխանությունները դեռևս որևէ հիմք չեն տեսնում ուկրաինական հակամարտության խաղաղ կարգավորման համար, քանի որ Վաշինգտոնի և Կիևի միջև այսօրվա բանակցությունները որևէ հստակ կամ հասկանալի արդյունքի չեն հանգեցրել։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։

«Ոչ, դեռ ոչ»,- ընդգծել է նա՝ պատասխանելով լրագրողների հարցերին, թե արդյոք Կրեմլը տեղեկություն ունի ուկրաինական և ամերիկյան պատվիրակությունների հանդիպման կառուցողական արդյունքների մասին։

Հիշեցնենք, որ ԱՄՆ-ի և Ուկրաինայի միջև բանակցությունները սկսվել են այսօր Ջիդդաում։ Սպիտակ տունը ներկայացնում էին պետքարտուղար Մարկո Ռուբիոն և ազգային անվտանգության հարցերով խորհրդական Մայք Ուոլցը։ Ուկրաինայի արտաքին գործերի նախարար Անդրեյ Սիբիգան, պաշտպանության նախարար Ռուստեմ Ումերովը և Ուկրաինայի նախագահի գրասենյակի ղեկավար Անդրեյ Երմակը։ Ուոլցն ասել է, որ բանակցությունները «առաջընթաց են ապրում», սակայն հրաժարվել է մանրամասներ հաղորդել: