Ֆանտաստիկ նորություններ մարդկության համար. ԱՄՆ պետդեպի խոսնակ
ԱՄՆ Պետքարտուղարության խոսնակ Թեմմի Բրյուսը հայտարարել է, որ ԱՄՆ-ն շատ լավատես է Սաուդյան Արաբիայում ամերիկյան և ուկրաինական պատվիրակությունների հանդիպումից հետո:
X սոցիալական ցանցում նա գրառում է կատարել, ըստ որի՝ «մարդկության համար ֆանտաստիկ նորություններ կարող են հայտնվել»։ Հետևաբար, տրամադրվածությունը «շատ լավատեսական է»։ «Մենք հասկանում ենք, թե +ինչն է վտանգված», - նշել է նա՝ մեկնաբանելով ընթացող բանակցությունները։
Երկու երկրների պատվիրակությունների հանդիպումը տեղի է ունեցել Ջիդդա քաղաքում։ Ամերիկյան կողմից մասնակցել են պետքարտուղար Մարկո Ռուբիոն և ազգային անվտանգության հարցերով խորհրդական Մայք Ուոլցը։
Ուկրաինական պատվիրակությունը Ջիդդայում ներկայացնում են երկրի արտաքին գործերի նախարար Անդրեյ Սիբիգան, Վլադիմիր Զելենսկու գրասենյակի ղեկավար Անդրեյ Երմակը և պաշտպանության նախարար Ռուստեմ Ումերովը։
