Որ երկներից է Ուկրաինան անվտանգության երաշխիքներ ուզում ստանալ

Ուկրաինայի նախագահ Վլադիմիր Զելենսկին հայտարարել է, որ Ուկրաինան ձգտում է անվտանգության երաշխիքներ ստանալ ԱՄՆ-ից, եվրոպական երկրներից և Թուրքիայից:

«Եթե Թուրքիան կարողանա Ուկրաինային անվտանգության անհրաժեշտ երաշխիքներ տրամադրել, մենք կցանկանայինք, որ նա նույնպես ներգրավված լիներ այս գործընթացում»,- Անկարա կատարած այցի ժամանակ հայտարարել է նախագահը։

Զելենսկին ընդգծել է, որ Ուկրաինան երբեք զիջումների չի գնա իր տարածքային ամբողջականության կամ ինքնիշխանության հարցում և հայտարարել է, որ չի կարող գործել Ուկրաինայի Սահմանադրությանը հակառակ։

«Մենք երբեք և ոչ մի դեպքում չենք ճանաչի մեր ժամանակավոր բռնազավթված տարածքները որպես Ռուսաստանի մաս։ Նրանք Ուկրաինայի մաս են»,- ընդգծել է պետության ղեկավարը։

Զելենսկին միաժամանակ վերահաստատել է Ուկրաինայի հանձնառությունը դիվանագիտական ​​միջոցներով օկուպացված տարածքները վերադարձնելու հարցում։