Ռուբեն Մխիթարյանը որոշել է առաջադրվել Գյումրու ընտրություններում
Հայտնի պրոդյուսեր Ռուբեն Մխիթարյանը հանդես է եկել հայտարարությամբ, ըստ որի ցանկանում է առաջադրվել որպես Գյումրու քաղաքապետի թեկնածու։ Մխիթարյանն ընդգծել է՝ պաշտոնն իր համար ինքնանպատակ չէ, ինքն իրական այլընտրանք է առաջարկում։
«Ես ուզում եմ իմ Գյումրիին, իմ համաքաղաքացիներին տալ իրական այլընտրանքի հնարավորություն։ Իսկ Գյումրիի զարգացման այն ծրագիրը, որը ներկայացնելու ենք, լինելու է ամենապայծառն ու ամենաիրատեսականը»,- ասել է նա։
Ռուբեն Մխիթարյանը նշել է նաև՝ Գյումրիի քաղաքապետի մյուս թեկնածուներին իրեն հակառակորդ չի համարում, բայց հստակ դիրքորոշում ունի․
«Գյումրի քաղաքի ընտրություններում օրվա իշխանությունները հաջողություն չպետք է գրանցեն, և այդ արդյունքին հասնելու համար ես պատրաստ եմ համագործակցել նման հստակ դիրքորոշում ունեցող մնացած բոլոր թեկնածուների հետ»։
