Ռոմանոս Պետրոսյանը՝ Գարիկ Սարգսյանի պարգևավճարի մասին
ՊՎԾ ղեկավար Ռոմանոս Պետրոսյանն անդրադարձավ Վեդի խոշորացված համայնքի ղեկավար Գարիկ Սարգսյանի կողմից ինքն իրեն պարգևավճար տրամադրելուն և հայտնել է, որ այդ ամսով չի կարող գնահատական տալ։
«Եթե պարգևավճար չտար իրեն, կասեի՝ կեցցե՛ս, Գարի՛կ ջան, ինչպե՞ս ես կարողանում ամսական 200 հազար դրամով ապրել։ Համայնքի ղեկավարների աշխատավարձերն այսօր շատ ցածր են»,-նշել է Պետրոսյանը։
Դիտարկմանը՝ եթե նա 1.2մլն դրամի իրեն պարգևավճար է տալիս, ստացվում է՝ իր աշխատավարձի հնգապատի՞կն է՝ Պետրոսյանը պարզաբանել է.«Եթե դա տարվա կտրվածքով է, ապա ստացվում է՝ ամսական 100 հազար դրամ պարգևավճար է։ Դա շա՞տ է, ըստ ձեզ։ Եկեք կենցաղի մակարդակի չիջեցնենք մեր խոսակցությունը»։
Հիշեցնենք՝ մամուլը գրել էր, որ Վեդիի համայնքապետ Գարիկ Սարգսյանը տարեվերջին իրեն 1.2մլն դրամի պարգևավճար է հատկացրել։
