Զախարովան մեկնաբանել է USAID-ի կայքի աշխատանքի դադարեցումը

Ռուսաստանի ԱԳՆ պաշտոնական ներկայացուցիչ Մարիա Զախարովան մեկնաբանել է USAID-ի կայքի աշխատանքի դադարեցումը։ Կայքը դադարել է աշխատել այն լուրերից հետո, որ ԱՄՆ նոր նախագահն ընդհանրապես կարող է փակել Միջազգային զարգացման գործակալությունը:

Իր Տելեգրամ-ալիքում դիվանագետը հեգնանքով առաջարկել է կայքը «վերանորոգելու» դեպքում կազմակերպությունը վերանվանել «Ինքներս մեզ օգնելու գործակալություն»։

«Զբաղմունքների մեջ կարող է ներառվել ԱՄՆ-ի հրդեհային անվտանգության համակարգի թարմացումը, բնական սեռի վերադարձին նպաստելը, ամերիկյան նախորդ վարչակազմերի կոռուպցիոն սխեմաների հետաքննությունը»,-գրել է Զախարովան:

Ավելի վաղ USAID-ի հնարավոր փակման մասին գրել էր Politico պարբերականը։ Լրատվամիջոցի տվյալներով՝ գործակալությունը ցանկանում են ներառել Պետդեպարտամենտի կազմում` այդպիսով զրկելով նրան ինքնուրույն կարգավիճակից։ Նշվում է, որ Թրամփը USAID-ի ադմինիստրատոր չի նշանակել՝ Պետդեպարտամենտից պաշտոնյային թույլ տալով փաստացի վերահսկել գործակալությունը:

Գործակալության գծով ամերիկյան նախագծերի բազմամիլիարդանոց ֆինանսավորում էր իրականացվում ամբողջ աշխարհում։ Սակայն հունվարի վերջին պետքարտուղար Մարկ Ռուբիոն հայտնել էր 90 օրվա ընթացքում ամերիկյան օգնությունը սառեցնելու մասին։