Թրամփը Պուտինի հետ լուրջ քննարկում է ունեցել

ԱՄՆ նախագահ Դոնալդ Թրամփը հայտարարել է, որ «շատ լուրջ» քննարկում է վարում Ռուսաստանի հետ Ուկրաինայում հակամարտության ավարտի շուրջ:

«Մենք շատ լուրջ քննարկումներ ենք անցկացնում ... Ռուսաստանի հետ, այո», - Սպիտակ տանը լրագրողներին հայտնել է նա՝ պատասխանելով Ուկրաինայում հակամարտության ավարտի շուրջ Վաշինգտոնի եւ Մոսկվայի երկխոսության մասին հարցին:

Թրամփը նաև խոստացել է, որ «կխոսի» Ռուսաստանի առաջնորդ Վլադիմիր Պուտինի հետ Ուկրաինայում հակամարտության ավարտի մասին և, հնարավոր է, հասնի «ինչ-որ էական արդյունքի»:

Միևնույն ժամանակ, Սպիտակ տան նոր ղեկավարը կրկին հավելել է, որ մտադիր է վերջ դնել Ուկրաինայում հակամարտությանը:

Մեկ օր առաջ Թրամփը հրաժարվել էր բացահայտել Ռուսաստանի եւ Չինաստանի առաջնորդներ Վլադիմիր Պուտինի եւ Սի Ցզինպինի հետ իր շփումների մանրամասները, սակայն նշել էր, որ իրավիճակն այդ ուղղությամբ «շատ լավ է զարգանում»:

Հինգշաբթի օրը Ռուսաստանի նախագահի մամուլի քարտուղար Դմիտրի Պեսկովը կրկին ընդգծել է, որ Ռուսաստանի առաջնորդ Վլադիմիր Պուտինի և ԱՄՆ նախագահ Դոնալդ Թրամփի շփումների վերաբերյալ առայժմ որևէ ծրագիր չկա:

Ավելի վաղ Պուտինը հայտարարել էր, որ պատրաստ է հանգիստ խոսել Թրամփի հետ բոլոր ուղղություններով, որոնք հետաքրքրություն են ներկայացնում երկու երկրների համար: Թրամփը հայտարարել է, որ ցանկանում է «անհապաղ» հանդիպել Պուտինի հետ: Մոսկվան բազմիցս նշել է, որ պատրաստ է Ուկրաինայի հարցով բանակցություններին, սակայն Կիևը 2022 թվականի հոկտեմբերին օրենսդրական մակարդակով արգելք է դրել նման շփումների վրա։