Կարձանագրվի ծառայողական ավտոմեքենաների պատմական մինիմում. Փաշինյան

Կառավարությունը այսօր քննարկել է մարմիններին ամրակցված տրանսպորտային միջոցները հետ վերցնելու և պետական գույքի կառավարման կոմիտեին ամրացնելու մասին կառավարության որոշման նախագիծը։ 

Քննարկման ժամանակ դիմելով պետգույքի կառավարման կոմիտեի նախագահին Փաշինյանը հարցրեց, թե ինչ են պատրաստվում անել այդ մեքենաների հետ:

«Մեքենաները ընդունման հանձնումից հետո մեր մոտ պահառության կընդունվեն, դրանց մեծամասնությունը բնականաբար կվաճառվի, դրանց մի մասը, որոնք թարմ են, նոր են ավելի հին մեքենաների փոխարինման անհրաժեշտություն կլինի, այդ նոր մեքենաներով կփոխարինենք, բայց մեծամասնությունը վստահաբար աճուրդային եղանակով վաճառվելու»,- ասել է Առնակ Ավետիսյանը:

«Եթե ես ճիշտ եմ հասկանում, այսօր էլ մենք ունենք կրճատված ծառայողական ավտոմեքենաներ, բայց այս որոշումից ՀՀ ծառայողական ավտոմեքենաների պատմական մինիմումը կարձանագրվի, այսինքն ենթադրում եմ, որ մեր երկրի պատմության մեջ ավելի քիչ ծառայողական ավտոմեքենաներ չեն արձանագրվել, ինչը ինչը կարևոր է երկու ուղղությամբ, որ մենք կառավարման մարմինների ներկայացուցիչներին մղում ենք ավելի շատ շփվել մարդկանց հետ և նաև բյուջետային ծախսերի ուղղությունները փորձում ենք ավելի արդյունավետ դարձնել։ Իհարկե, սա էլ է մի հարց, որ մենք պետք է ընթացս մոնիտորինգ անենք և տեսնենք արդյունավետությունը լավարկելու ինչ մեխանիզմներ կան»,- նշել է Փաշինյանը: