Այդ գաղափարն անընդունելի է. Շոլց
Գերմանիայի կանցլեր Օլաֆ Շոլցը արձագանքել է ԱՄՆ նախագահ Դոնալդ Թրամփի՝ Գազայի հատվածի բնակիչներին արաբական երկրներում վերաբնակեցնելու առաջարկին։
«Հաշվի առնելով վերջին հրապարակային հայտարարությունները՝ ես հստակ ասում եմ, որ վերաբնակեցման ցանկացած ծրագիր, մասնավորապես Գազայի հատվածի բնակիչներին Եգիպտոս կամ Հորդանան աքսորելու գաղափարն անընդունելի է», – հայտնել է Շոլցը:
Կանցլերը ևս մեկ անգամ կոչ է արել Իսրայելի և պաղեստինցիների միջև հակամարտությունը լուծել երկու պետությունների կազմավորման միջոցով։
«Իմ կարծիքով, դա կոնկրետ նշանակում է հետևյալը. պետք է պարզ լինի, որ Պաղեստինի ազգային իշխանությունը պատասխանատվություն է կրելու Գազայի հատվածի համար»,- ընդգծել է Շոլցը։
