ՑԱԽԱԼ–ը հակաահաբեկչական գործողություն է սկսել Թուլկարմ քաղաքում

Իսրայելի պաշտպանության բանակը հակաահաբեկչական գործողություն է սկսել Հորդանան գետի արեւմտյան ափի Թուլկարմ քաղաքում: Այս մասին գրում է ТАСС–ը: 

Նշվում է, որ համապատասխան հայտարարություն է արել Իսրայելի բանակի մամուլի ծառայությունը:

«Որոշ ժամանակ առաջ Հրեաստանում և Սամարիայում հակաահաբեկչական գործողությունների շրջանակում (Հորդանան գետի արևմտյան ափի իսրայելական անվանումը), Իսրայելի պաշտպանության ուժերը և Իսրայելի սահմանային ոստիկանությունը հակաահաբեկչական գործողություն են սկսել Թուլկարմում»,- ասվում է հայտարարության մեջ։ .

Հունվարի 21-ին Իսրայելի պաշտպանության բանակի մամուլի ծառայությունը հայտնել է, որ Իսրայելի անվտանգության ուժերը լայնածավալ հակաահաբեկչական գործողություն են սկսել Հորդանան գետի հյուսիսում գտնվող Ջենին քաղաքի տարածքում, որը ստացել է «Երկաթե պատ» անվանումը։

Ավելի վաղ հայտնել էինք, որ Իսրայելը հավատարիմ է Գազայի հատվածում հրադադարի մասին համաձայնագրին և չի հանդուրժի պաղեստինյան արմատական ​​ՀԱՄԱՍ շարժման հնարավոր սադրանքները։ Այս մասին ճեպազրույցում հայտարարել է Իսրայելի բանակի պաշտոնական ներկայացուցիչ Դանիել Հագարին: