Քննարկվում է Ուկրաինա 50 000 խաղաղապահ ուղարկելու հարցը. Politico

Եվրոպայում Ուկրաինայի դաշնակիցները քննարկում են եվրոպական հինգ կամ վեց երկրներից մինչև 50 հազարանոց խաղաղապահ ուժեր Ուկրաինա ուղարկելու հարցը: Այս մասին գրում է Politico–ն՝ հղում անելով երկու եվրոպացի դիվանագետների: 

Նշվում է, որ խաղաղապահները կպահպանեն Ռուսաստանի և Ուկրաինայի սահմանազատման գիծը հրադադարի դեպքում:

ԱՄՆ նախագահ Դոնալդ Թրամփի՝ Ուկրաինայում հակամարտությունը արագ դադարեցնելու խոստումների ֆոնին, նույնիսկ եթե դա ենթադրում է տարածք Ռուսաստանին զիջում, Եվրոպան փորձում է պարզել, թե ինչ դեր է խաղալու բացի պաշտպանական ծախսերը ավելացնելն ու Կիևին զենք մատակարարելը:

Քննարկվող տարբերակներից մեկը խաղաղապահ ուժերի տեղակայումն է` ցանկացած հնարավոր հրադադարի պահպանումն ապահովելու համար:

«Սա ամենակարեւոր որոշումն է, որը եվրոպացիները պետք է կայացնեն 2025 թվականին»,- ասել է ավստրիացի նախկին ռազմական ստրատեգ Ֆրանց-Շտեֆան Գադին։